Հիմքի փորման և հողահեռացման աշխատատքներ:
Շինարարական կազմակերպություն ASStroy.org՝ հիմքի աշխատանքներ (ֆունդամենտի — фундамент) Երևանում և Հայաստանում:
Ընդունում ենք շենքերի հիմքերի (ֆունդամենտի) նախապատրաստման և բետոնի լցման (զալիվկա — заливка) պատվերներ: Ցանկացած ծավալի և բարդության:
Եթե Ձեզ հետաքրքրում է այս աշխատանքի որոշ մանրամասներ, կարդացեք այս հոդվածը: Պատվերների և հարցերի համար անցեք Հետադարձ կապ էջին:
Հողային աշխատանքներին զուգահեռ նպատակահարմար է կատարել նաև հիմքի (ֆունդամենտի — фундамент) հետ կապված նախապատրաստական աշխատանքները՝ մաքրել տարածքը աղբից, բուսականությունից, ծառերի արմատներից և այլն: Երբ որ տարածքը կմաքրվի, կսկսենք չափագրումը և ժապավեններով կնշենք փորելիք տեղամասերը:
Նշում ենք արտաքին պատերը ըստ նախագծի: Եթե շինությունը մեծ չէ, ապա նիվիլիրը (нивелир) պարտադիր չէ: Այլապես մեծ մասշտաբի շինարարության մեջ առանց այդ գործիքի ոչ մի չափագրում հնարավոր չէ կատարել: Աշխատանքի այս փուլի ճշգրտությունը շատ կարևոր է:
Հիմքը փորելիս կարելի օգտագործել տեխնիկա: Այդպես աշխատանքը ավելի արագ է կատարվում, բայց փոսի ճշգրիտ չափսերը և խորությունը հնարավոր չէ պահպանել: Ձեռքով փորելը շատ ավելի աշխատատար է, բայց և ավելի որակով: Թե որ ձևն է առավել հարմար Ձեր կառույցի համար, հնարավոր է որոշել միայն տեղում: Ինչ խորությամբ կամ լայնությամբ պետք է կատարվեն այս աշխատանքները, նույնպես որոշվում են մասնագետների կողմից միայն տեղում գտնվելու դեպքում: Այս հարցում չափազանց կարևոր է հողի (գրունտի — грунт) որակը:
Հիմքի «բարձիկը» (подушка) պատրաստվում է մաքուր գետի սև ավազից՝ առանց հողի կամ կավի խառնուրդի: Ավազը հողի համեմատ շատ ավելի համաչափ է բաշխում ջրերը և խոնավությունը, ինչը բացառում է հիմքի անհավասարաչափ նստելու կործանարար գործընթացը:
Հիմքի համար սովորաբար օգտագործում ենք 8-12 մմ հաստության արմատուրա (арматура): Հորիզոնական դրվող երկաթաձողերը (арматура) միշտ ավելի հաստ են ընտրվում, որովհետև հենց նրանց վրա ընկնելու հիմնական ճնշումը:
Դժվարանում եմ թարգմանել опалубка տերմինը, դրա համար հենց այդպես էլ կանվանեմ՝ ապալուպկա: Ապալուպկա հավաքելը միշտ չէ, որ պարտադիր է, բայց ցանկալի է: Հատկապես բետոնի տնտեսման տեսանկյունից: Այն հավաքվում է 10-20 սմ լայնության և 2,5-4,0 սմ հաստության տախտակներից: Այս աշխատանքի ամենակարևոր պահը ապալուպկայի վրա մեծ անցքերը բացառելն է: Կառուցվացքի երկու հակադիր կողմերը ամրացվում են իրար, բետոնի ծանրության տակ այն չքանդելու նպատակով: Անհրաժեշտության դեպքում ապալուպկայի երկու կողմերն էլ ամրացնում են հնարավոր բոլոր միջոցներով:
Բետոնը կարող ենք պատրաստել ձեռքով կամ պատվիրել պատրաստի բետոն: Դա կախված է աշխատանքի ծավալից և պատվիրատուի ցանկությունից: Իդեալական արդյունք ստացվում է այն դեպքում, երբ բետոնը լցվում է մեկ անգամից և ստացվում է լրիվ մոնոլիտ լիցք: Հիմքի լիցքի համար օգտագործում ենք М200-М400 մարկայի բետոն:
Բետոնը լցնելիս շատ կարևոր է նրանից անընդհատ հեռացնել այն օդը, որը կարող է մնալ բետոնի մեջ: Եթե չկան հատուկ վիբրատորներ, ապա դա կարելի է անել ձեռքով, ամենասովորական բահի օգնությամբ, անընդհատ «ծակծկելով» բետոնը: Նույն նպատակով հաճախ հարվածում ենք կամ արմատուրայի ցանցին, կամ հենց ապալուպկային, որպիսի բետոնը «նստի» և նրա մեջ օդային խորշեր չմնան:
Այս ամենը գլխավորապես վերաբերվում էր «ժապավենաձև» ֆունդամենտին (ленточный фундамент): Շատ ավելի ամուր է ստացվում մոնոլիտ ֆունդամենտը ամբողջ տան մակերեսով՝ պլիտան (плитный фундамент).
Վերջինս շատ ավելի աշխատատար և ծախսատար է, բայց համապատասխանորեն ավելի ապահով: Այս հարցը ևս որոշում եք ինքներդ: Մենք կարող ենք կատարել բետոնի լցման ցանկացած ծավալի պատվեր:
Ընդունում ենք շենքերի հիմքերի (ֆունդամենտի) նախապատրաստման և բետոնի լցման (զալիվկա — заливка) պատվերներ: Ցանկացած ծավալի և բարդության:
#Շինարարություն #Հիմքի_աշխատանքներ #ֆունդամենտ
Հիմքի աշխատանքներ, himqi ashxatanqner
Հեղինակ